Наманган вилояти ИИБ Жамоат хавфсизлиги хизмати тизимида хизмат қилаётган вояга етмаганлар масалалари бўйича инспектор-психологлар ва хотин-қизлар масалалари бўйича инспекторлар учун амалий ўқув йиғинлари ўтказилмоқда
Ўзбекистон Республикаси ИИВнинг 2023 йил 30 октябрь кунидаги "Ички ишлар органларида хизмат олиб бораётган ҳуқуқбузарликлар профилактикаси бўлинмаси ходимлари фаолиятини янада такомиллаштириш, шунингдек, уларнинг билим ва касбий кўникмаларини ошириш мақсадида, Республика миқёсидаги туман-шаҳар ички ишлар органлари ҳуқуқбузарликлар бўлинмаларининг вояга етмаганлар масалалари бўйича инспектор-психологлари ва хотин-қизлар масалалари бўйича инспекторларининг касбий билим ва кўникмаларини янада ошириш мақсадида жорий йилнинг 4 ноябрь кунидан 10 ноябрь кунига қадар бир ҳафталик ўқув йиғинларини ташкил этиш тўғрисида"ги фармойишига асосан Наманган вилояти Поп туманида жойлашган Шарқий ҳарбий округ тасарруфидаги 07648-сонли ҳарбий қисм базасида вилоят ИИБ ЖХХ Ҳуқуқбузарликлар профилактикаси хизмати тизимида хизмат олиб бораётган вояга етмаганлар масалалари бўйича инспектор-психологлар ва хотин-қизлар масалалари бўйича инспекторлари учун амалий ўқув йиғинлари ташкил этилди. Унда вилоятнинг 9 та ҳамкор ташкилотларнинг маҳоратли мутахассислари томонидан касбий, жисмоний, жанговар шунингдек, маънавий, сиёсий фанлар ўқитилмоқда. Улар билан дарсдан бўш вақтларида турли хил жисмоний машғулотлар, психологик ва маърифий тадбирлар ҳамда саф тайёргарлиги ўтказилмоқда.
Наманган вилояти ИИБ Ахборот хизмати
