Наманган вилояти ИИБ бошлиғи ўринбосари полковник Фахриддин Раҳматов, ИИВ ШХББ Наманган вилояти бўйича бошқармаси ходими ва бошқа масъуллар томонидан ходимларни ижтимоий қўллаб қувватлаш, хизмат интизоми ҳамда қонунчиликни мустаҳкамлаш, улар томонидан салбий ҳолатлар содир этилишини олдини олиш мақсадида Тўрақорғон тумани Ички ишлар бўлимларида хизмат қилаётган ходимларнинг оила аъзолари билан учрашув ўтказилди.

Учрашувда Тўрақўрғон туман ҳокими, туман ИИБ барча шахсий таркиби, уларнинг ота-оналари ва бошқа масъуллар иштирок этиб, дастлаб полковник Фахриддин Раҳматов иштирокчиларга ходимларни ҳозирги кунда хизмат фаолиятлари давомида эришган ютуқлари ҳамда йўл қўйилган хато-камчиликлар юзасидан маълумот бериб ўтди.

Шундан сўнг, ИИВ ШХББ Наманган вилояти бўйича бошқармаси масъул ходими томонидан турли салбий ҳолатлар, яъни коррупцион ва тамагирлик ҳолатларига йўл қўймаслик, хизмат ва ижрочилик интизомига қатъий амал қилишлари, ноқонуний хати-ҳаракатлардан тийилишлари ҳақида огоҳлантирилди.

Учрашув давомида, ходимларнинг оила-аъзоларига ўзларини қизиқтирган саволар ва муаммолари бўйича тушунчалар берилди.

Учрашув сўнггида, ижобий иш кўрсаткичларга эришиб, ҳамкасбларига намуна бўлиб келаётган бир гуруҳ ходимлар ва уларнинг оила-аъзоларига Бошқарма раҳбариятининг эсдалик совғалари ва ташаккурномалари топширилди.

Шунингдек, 3 нафар ходимга офицерлар таркибидаги навбатдаги махсус унвонлар берилди.

Наманган вилояти ИИБ Ахборот хизмати