28 Октябр 2023 йил
1398
Наманган вилоят ИИБ Эксперт-криминалистика маркази ходимлари иштирокида ўқув семинари ўтказилди
ИИВ Наманган Академик лицейида ташкил этилган семинарда марказ ходимлари учун жиноятларни фош этишда муҳим аҳамиятга эга бўлган жиҳатлар, яъни криминалистика методларидан фойдаланиш, воқеа жойини кўздан кечириш ҳамда ашёвий далилларни олиб қўйиш ва қайд этиш тартиби каби мавзулар юзасидан амалий ва назарий машғулотлар олиб борилди. Бу борада рақамли технологиялар ва илмий-техник воситалардан самарали фойдаланиш ҳамда эксперт-тадқиқот ишларини олиб боришда энг илғор тажрибаларга таянган ҳолда иш юритиш зарурлиги тушунтирилди.
Бу каби ўқув семинарлар эксперт-криминалистика йўналишлари бўйича янги билимларга эга бўлиш имконини беради, бу эса ходимларнинг касбий маҳоратларини янада ортишига хизмат қилади.
Наманган вилояти ИИБ Ахборот хизмати
