Муқаддам судланган шахслар ўғирликка қўл урди
2021 йил 5 октябрь куни, Чортоқ туманида яшовчи, 1981 йилда туғилган фуқаро ариза билан мурожаат қилиб, шу куни соат 09:30 ларда номаълум шахс, яшаш уйига дарвозаси очиқ қолганлигидан фойдаланиб кириб, дарвозахонаси олдида турган нархи 400.000 сўмлик бир дона газ балонини ўғирлаб кетганлигини маълум қилиб, чора кўришни сўраган.
Чортоқ туман ИИБ ҳузуридаги ТБ терговчиси ва ҲПМБ катта профилактика инспекторлари томонидан олиб борилган тезкор-қидирув ва суриштирув ҳаракатлари натижасида, ушбу жиноятни, Чортоқ туманида яшовчи, 2-гуруҳ ногирони, 1981 йилда туғилган ва Чортоқ туманида яшовчи, 2018 йилда Ўз.Р ЖКнинг 168-моддаси 3-қисми ва 228-моддаси 2-қисми билан судланган, 1971 йилда туғилган фуқаролар содир этганликлари аниқланган.
Ушбу ҳолат бўйича Чортоқ туман ИИБ ҳузуридаги ТБ томонидан 2021 йил 6 октябрь куни Ўз.Р ЖКнинг 166-моддаси 3-қисми билан жиноят иши қўзғатилган.
Наманган вилояти ИИБ Ахборот хизмати
