Азиз  юртдошлар,  туманимиз  меҳмонлари!

Барчага маълумки, Давлатимиз Раҳбари томонидан аҳоли осойишталиги ва хавфсиз ҳаётини таъминлашга алоҳида эътибор қаратилиб, маҳаллаларда хавфсиз муҳитни яратиш ва ҳуқуқбузарликларнинг олдини олиш борасида кенг қамровли амалий чора - тадбирлар амалга оширилмоқда.

Барча сохаларда ижобий ўзгаришлар бўлиб, ислохотлар амалга оширилмоқда.

Тинчлик ва осойишталикни таъминлаш, бунинг учун жиноятчиликка қарши курашиш тизимини тубдан яхшилашни давлат сиёсатининг энг устувор йўналишларидан бирига айланди.

Зеро, бу ислоҳотларнинг самараси барча соҳаларда қонун талабларига сўзсиз риоя этишга, жиноятчилик каби иллатнинг олдини олишга бевосита боғлиқдир.

Азиз Косонсой туман аҳли!

Туманимизда тинчлик ва осойишталикни таъминлаш борасида кенг қамровли ишлар амалга оширилмоқда.

Жиноятлар учун жазо муқаррарлигини таъминлаш вазифаси қанчалик муҳим бўлса, уларни келтириб чиқараётган сабаб ва омилларини бартараф қилиш борасида чоралар кўрилаяпти.

Президентнинг 03.01.2025 йилдаги ПҚ – 1 - сонли Қарори ижросини таъминлаш бўйича вилоятда бир қатор самарали ишлар  амалга  оширилмоқда.

Жиноятларнинг сабабларини “маҳаллабай” ва “соҳабай” муҳокама қилиш тартиби, маҳаллаларни криминоген даражасида тоифалаш тизими, “маҳалла еттилиги” институти, “ижтимоий профилактика” тамойили асосида ҳуқуқбузарликларнинг самарали профилактикасини амалга ошириш орқали аҳолида хавфсизлик ҳиссини шакллантириш борасидаги ишлар амалга оширилмоқда.

Барча туман ва маҳаллаларнинг чораклик, шунингдек 3-чорак учун манзилли чора-тадбирлар “йўл хариталари” ишлаб чиқилди.

Энг муҳуми, намунавий хавфсиз кўча ва йўлакларнинг ташкил этилиши криминоген вазият барқарорлигини таъминлашда ўзининг ўзининг ижобий натижасини кўрсатмоқда.

Йўл-хаританинг мазкур банди тўлиқ бажарилиб, туман ҳудудида 10 дан ортиқ хавфсиз кўча ва 30 дан ортиқ хафсиз йўлаклар ташкил этилиб, аҳоли ва кенг жамоатчиликнинг хафсизлигини таъминланга хозирда хизмат қилмоқда.

Қарорга асосан ҳудудларда криминоген вазият ҳамда жиноятчиликни олдини олиш бўйича кунлик сўров ва ўрганишларни йўлга қўйдик.

Жорий йилнинг 7 ойида туманда 331 та жиноят рўйхатга олиниб, шундан улардан 74 таси (2024 й. 7 ой – 89 та) олдини олиш мумкин бўлган жиноятларни ташкил этган.

Олдини олиш мумкин бўлган жиноятларнинг 12,9 фоизини ўғрилик, 3,8 фоизини фирибгарлик, 2,5 фоизини безорилик, 1,7 фоизини оилавий зўравонлик ва 1,29 фоизини тан жароҳати етказиш каби жиноятларини ташкил этади.

Ўтган 24 кун давомида эса, туманда умумий 41 та жиноятлар содир этилган бўлса, уларнинг 15 таси олдини олиш мумкин бўлган жиноятлар бўлган.

Мазкур жиноятлар таркибини асосан тан жароҳати етказиш ҳамда ўғрилик жиноятлар ташкил этиб келмоқда.

Бу каби жиноий ҳаракатларни олдини олиш борасида туман ҳуқуқни муҳофаза қилувчи органлар билан ҳамкорликда ижтимоий профилактика объектлари билан якка тартибдаги учрашувлар ўтказилиб, расмий огоҳлантиришлар бериб келинмоқда.

Шунингдек, “Йўл харитаси” ижроси юзасидан ҳудудларни хавфсизлигини таъминлаш мақсадида кузатув камераларини ўрнатилиши ва тунги рейд тадбирларини ўтказилиши жадаллаштирилиб, фуқароларга мол-мулкларини қаровсиз ҳолда қолдирмасликлари ҳақида тушунтириш ишлари олиб борилмоқда.

Албатта, маҳалла ҳудудида содир этилаётган жиноят ҳар биримизни ташвишга солиши ва унинг олдини олишга қаратилган профилактик тадбирларни ҳар бир мутасадди идоралар билан биргаликда самарали ташкил қилишимиз асосий вазифалардан бўлиб келмоқда.

Қайд этилаётган даврда олдини олиш мумкин бўлган жиноятларнинг 45 таси маҳалла  ҳудудида  содир  этилди.

Маҳаллаларда содир этилган олдини олиш мумкин бўлган жиноятлар сабаблари таҳлил қилиниб, 34 та жиноятлар бўйича 41 та тегишли прокурор таъсир чоралари  қўлланилди ва фаолияти давомида камчиликларга йўл қўйиб келган 20 дан ортиқ масъул ходимлар интизомий жавобгарликка тортилди.

Бу борадаги амалий тадбирларимиз давом этиб, келгусида маҳалла ҳудудида содир этилиши мумкин бўлган жиноятларнинг олдини олиш, жиноятларнинг келиб чиқиш сабаблари ва омилларини аниқлаш ҳамда уларни ўз вафтида бартараф этиш бўйича самарали чоралар кўриб борилади.

Ҳурматли Косонсойликлар!

Жиноятчиликни олдини олиш ҳамда коррупциявий ҳолатларни бартараф этиш бўйича кучайтирилган иш тартибини жорий этдик.

Бу борада вилоят прокурори фармойиши қабул қилиб, барча тезкор ходимлар ҳар бир маҳаллаларга номма-ном бириктирилди.

Соҳага доир тарғибот ишлари бўйича услубий қўлланмалар ишлаб чиқилиб, бу борадаги профилактик тадбирларимизни ҳамон давом эттирмоқдамиз.

Эътиборингизни ҳуқуқбузарлик ва жиноятларнинг олдини олиш бўйича дастлабки бажарилган ишлар ва таҳлилларнинг натижаларига қаратсам.

Биринчидан, жиноятчиликка қарши курашиш фаолияти самарадорлигини оширишда соҳавий назорат кучайтирилди.

Кейинги вақтларда фирибгарлик ва ўғрилик жинояти ошаётгани ҳам бунга яққол мисол бўлади.

Сўнгги вақтларда Ўзбекистон ҳуқуқ идоралари илгари дуч келмаган кибер макондаги жиноятлар салмоғи ортиши анчагина ташкилий чоралар кўришни тақозо этди.

Маълумот учун, тумандаги жиноятларнинг 64 фоизини ахборот технологиялари соҳасидаги жиноятларни ташкил этса, ўтган 24 кун давомида 21 та бу турдаги жиноятлар содир этилди.

Кибер маконда содир этилган жиноятларнинг 38,7 фоизи фирибгарлик ҳамда 59,1 фоизи ўғриликни ташкил қилган.

Сўнгги йилларда бу тоифадаги жиноятлар, бир неча бараварга кўпайди.

Азиз тумандошлар!

Президентимиз талаб қилаётган, жиноятларнинг оқибатлари эмас, уларнинг сабабларини, ҳуқуқбузаликларга имкон берувчи шарт-шароитларни бартараф қилишни устувор вазифа деб халқ билан биргаликда ҳаракат қилишимиз керак.

Бунинг учун, ҳар бир маҳалла, хонадонгача тушиб, ҳуқуқбузарлик омилларини аниқлашга эътиборимизни кучайтирамиз, жиноят содир этган ва бунга мойиллиги бор фуқаролар билан учрашувлар ўтказиб, “фуқаробай” иш тизимини жорий қиламиз.

Ҳуқуқбузарлик ва жиноятга сабаб бўлаётган оилавий, ижтимоий, моддий ва психологик муаммоларни ҳал қилишга, ҳар бир фуқарода “жиноятчиликка қарши иммунитет”ни болаликдан шакллантиришга алоҳида эътибор қаратамиз.

Азиз ҳамюртлар!

Жиноятларга қарши курашда прокуратура органлари, кўмак ва ҳамкорликда жиноятларнинг ҳар қандай кўринишига чек қўйишга кафолат беради.

Шундай экан аҳоли ва кенг жамоатчиликни жиноятларни олдини олишга ҳамда уларни бартараф этишга фаол ҳамкорликка чақирамиз.

Шуни яна бир бор алоҳида қайд этаманки, жиноятнинг ҳар қандай кўринишига тезкор равишда муносабат билдиришга, жиноятга қўл урганларга нисбатан жазонинг муқаррар таъминланишига шахсан кафолат бераман.

Эътиборингиз учун раҳмат!

Косонсой туман прокурори К.Аскаров