Шу йил 24 октябрь куни соат 17:00 ларда, Мингбулоқ туманида яшовчи 1983 йилда туғилган фуқаро туманда жойлашган “Баракали Орол” фермер хўжалиги дала майдонида таниши билан ўзаро жанжаллашиб, ёғоч бўлаги билан танишининг бош қисмига ва қўл оёқлари билан баданини турли жойларига уриб, тан жароҳати етказган.
Суд тиббий экспертизасининг хулосасида жабрланувчи бош мия оғир даражада лат ейиши, бош чап тепа чакка суягининг ботиб синиши жароҳати бўлиб, ҳаёт учун хавфли бўлган оғир тан жароҳати турига киришлиги кўрсатилган.
Ушбу ҳолат бўйича туман ИИБ ҳузуридаги ТБ томонидан 2020 йил 4 ноябрь куни Ўз.Р ЖКнинг 104-моддаси 1-қисми билан жиноят иши қўзғатилган.
Наманган вилояти ИИБ Ахборот хизмати
Саҳифадаги хатолар бўйича манзил:
Матн хато билан:
Сизнинг изохингиз ёки тўғри версия:
