2021 йил 22 октябрь куни соат 15:00 ларда Учқўрғон шаҳар марказидаги Пахтакор стадионида Норин ва Учқўрғон туманларининг 2-лига футбол жамоалари ўртасидаги футбол ўйинига, Учқўрғон туман ИИБ ЖТСГ ва профилактика инспекторлари футбол тадбири давомида жамоат тартибини сақлаш учун 5 нафар ИИБ ходимлари жалб қилинган.

Норин ва Учқўрғон туманлари 2-лига футбол жамоаси ўртасидаги футбол ўйинининг 2-бўлими якунида Норин ва Учқўрғон туманлари футбол жамоаси ўйинчилари ўртасида Учқўрғон футбол терма жамоаси ўйинчиси Учқўрғон туманида яшовчи 1997 йилда туғилган фуқаро ўнг тирсаги билан Норин туман футбол терма жамоаси ўйинчиси Норин туманида яшовчи 1994 йилда туғилган фуқарони юз қисмига уриб юбориб, тан жарохати етказган. Ушбу холат бўйича ўйин хаками томонидан қизил карточка бериб ўйиндан четлатилган.

Ўйингохга бириктирилган ходимлар томонидан жанжал ўрнида бартараф этилиб, тортишув катталашишига йўл қўйилмаган.

Фуқаро олган тан жарохати бўйича Учқўрғон туман касалхонасига тиббий ёрдам кўрсатиш учун учраган, 2021 йил 22 октябрь куни Учқўрғон туман ИИБнинг китобига қайд этилиб, фуқаро олган тан жарохати бўйича Учқўрғон туман ИИБ хузуридаги тергов бўлими томонидан Учқўрғон туманида яшовчи 1997 йилда туғилган фуқарога нисбатан Ўз.Рес.ЖКнинг 277-моддаси 1-қисми билан жиноят иши қўзғатилиб, суриштирув ҳаракатлари олиб борилмоқда.

Наманган вилояти ИИБ Ахборот хизмати