Автомашинадан пул ўғирлаган йигитлар қўлга тушди
Жорий йилнинг 3 июль куни Наманган шаҳрида яшовчи 1986 йилда туғилган фуқаро ариза билан мурожаат қилиб, шу куни соат 20:00 ларда яшаш хонадони олдига ўзига тегишли Дамас русумли автомашинасини қаровсиз қолдириб кетганлигидан фойдаланган номаълум шахс автомашинанинг эшикларини калит танлаш йўли билан очиб, автомашина ашёлар қутисида бўлган 2.000.000 сўм пулларини ўғирлаб кетганлигини маълум қилиб, чора кўришни сўраган.
Наманган шаҳар ИИО ФМБ 1-сон ИИБ ходимлари томонидан олиб борилган тезкор-қидирув ишлари натижасида ушбу жиноятни Наманган шаҳрида яшовчи 2005 ва 2007 йилда туғилган шахслар содир этганликлари аниқланган.
Ушбу ҳолат бўйича шаҳар ИИО ФМБ ҳузуридаги ТБ томонидан ЖКнинг 169-моддаси 1-қисми билан жиноят иши қўзғатилган.
Наманган вилояти ИИБ Ахборот хизмати
