27 Avgust 2025 yil
157
Tamaki mahsuloti ichida giyohvand modda olib ketayotgan shaxs aniqlandi
Joriy yilning 5-avgust kuni Pop tumani “Qo‘shminor” mahallasida joylashgan “Namangan” muntazam YPX maskanida, Lasetti rusumli avtomashinaning yo‘lovchisi sifatida kelayotgan, Farg‘ona viloyati, Farg‘ona tumanida yashovchi, 1989-yilda tug‘ilgan T.F.ning yonidan tamaki mahsuloti ichida og‘irligi 0,52 gramm bo‘lgan “Gashish” giyohvandlik moddasi borligi aniqlangan.
Mazkur holat yuzasidan Pop tuman IIB huzuridagi Tergov bo‘linmasi tomonidan O‘zbekiston Respublikasi JKning 276-moddasi 1-qismi bilan jinoyat ishi qo‘zg‘atilgan bo‘lib, hozirda tergov harakatlari olib borilmoqda.
Namangan viloyati IIB Axborot xizmati
