Hurmatli tumanimiz fuqarolari va mehmonlari!!! 

Prezidentimizning joriy yilning 3-yanvardagi “2025-yilda respublika mahallalarda havfsiz muhitni yaratish va huquqbuzarliklarni barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida”gi 1-sonli qarori mahallalarda havfsiz muhitni yaratish bo‘yicha mutlaqo yangicha ishlash tizimi bo‘ldi. Mahallalarda mavjud muommolarni joyida manzilli hal etish uchun “Ijtimoiy profilaktika” tizimi yo‘lga qo‘yildi.

Profilaktika inspektorlari tomonidan huquqbuzarlik sodir etish yoki undan jabrlanish ehtimoli yuqori bo‘lgan 2792 nafar shaxslarga xulosalar berib, mavjud muommolari mahalla yettiligi tomonidan ijobiy hal etilib kelinmoqda. Mahalla faollari tomonidan 172 nafar shaxslarning muammolari ijobiy hal etildi. Bugungi kunda ijtimoiy praflaktika tadbirlar amalga oshirilishi o‘zining ijobiy natijasini berib, jinoyat sodir etilishini barvaqt oldini olishiga samarali hizmat qilmoqda.

Tumanimizda joriy yilning 8 oyi 20 kunda davomida mahalla xududida 126 ta jinoyat sodir etilib, 9 ta (G‘alaba, Beshbuloq, Qayroqi, Soybo‘yi, Yangi Bog‘iston, Namuna, Yuqori qorayantoq, Qandiyon va Qorapolvon) mahallalarini qizil toifaga kirishiga yo‘l qo‘yilgan bo‘lsa, 68 ta mahallalarning 29 ta sida jinoyatlar sodir etishiga yo‘l qo‘yilmadi. Hurmatli yurtdoshlar! Jinoyatlarning eng ko‘p sodir etilayotgan turlari ularning kelib chiqish sabab va huquqlari omillariga to‘xtalib o‘tsam.

Ko‘cha va jamoat joylarda jinoyatlarni oldini olish bo‘yicha tegishli naryad va hizmatlar tashkil etib kelinayotganiga qaramay joriy yilning 8 oyi 20 kun davomida 10 ta bezorilik xamda 19 ta tan jaroxati bilan bog‘liq bo‘lgan jinoyatlari sodir etildi. Ushbu jinoyatlarini kelib chiqish sabablari o‘rganilganida fuqarolar bir-birlari bilan o‘zaro kelishmovchilik, pul oldi berdi masalalari, o‘zaro rashq oqibatida, fuqarolar o‘z xarakatlarini xuquqiy oqibatini tushunib yetmasliq natijasida sodir etilganligi aniqlangan. Eʼtibor qaratadigan bo‘lsak, jamoat joylarda fuqarolar sovuq qurollarni olib yurish holatlari ko‘plab uchramoqda.

O‘tkazilgan tig‘ tadbirlari jarayonida 67 ta fuqarolar tig‘li jismlarni yonlarida olib yurganliglari aniqlanib 29 nafariga tegishli tartibda choralar ko‘rilib 38 nafar fuqarolar rasmiy ogoxlantirilgan.

Muhim bir yo‘nalishlardin biri giyohvandlik va psixatrop moddalarining noqonuniy muomalasiga qarshi kurashishdir. Tumanimizda hamkor tashkilotlar bilan birgalikda giyohvandlik illatiga qarshi kurashish va uni yoshlar orasida keng tarqalishini oldini olish borasida bir qator tadbirlar amalga oshirmoqdamiz.

Olib borilgan tadbirlar natijasida 19 ta jinoiy holatlar aniqlanib 25 killogramdan ortiq giyohvandlik moddalar va psihatrop dorilar noqonuniy muomilasiga chek qo‘yildi. Mazkur holatlar bo‘yicha 24 nafar shaxslarga nisbatan jazo muqarrarligi taʼminlandi. Albatta bir narsani unutmasligimiz kerak, bu illatga qarshi barchamiz kurashishimiz shart va lozim deb hisoblayman.

Bugungi rivojlangan davrda axborot texnologiyalar yordamida sodir etilayotgan jinoyatlar keskin ortib bormoqda. Jinoyatlarning o‘ziga xos tomoni shundaki, jinoyatni sodir etayotgan shaxs uchun chegara va masofa to‘sqinlik qilmaydi. Jinoyatchi qisqa fursatda 10 lab xattoki 100 lab fuqarolarni jabrlanuvchiga aylantiradi.

Joriy yilning 8 oyi 20 kun davomida bu yo‘nalishdagi sodir etilgan 234 ta jinoyatlar, umumiy sodir etilgan jinoyatlarni 50% ni tashkil etmoqda. Mazkur jinoyatlarning 86,7% plastik kartalardan mablag‘larni 110 ta o‘g‘irlik holatida va 44 ta firibgarlik holati bilan talon taroj qilingan. 70% plastik karta malumotlarni berganligi uchun, 19% ijtimoiy tarmoqda mablag‘larni ko‘paytirib berishda aldanish, 11% esa onlayn savdo bilan shug‘ullanish orqali sodir etilgan.

Achinarlisi aksariyat hollarda fuqarolarning o‘zlari jinoyatchilarga osongina aldanib qolib, plastik karta kodlarini oddiy holda aytib qo‘yishi orqali mablag‘larni topshirishmoqda. Shu o‘rinda ayrim fuqarolarimiz ijtimoiy tarmoq orqali tez va qisqa fursatda boyish ilinjida bo‘layotganligi tashvishli holdir. Buning oqibatida o‘zlari jinoyat qurboniga aylanmoqdalar.

Jinoyatchilar tomonidan fuqarolarning 750.000.000 so‘mdan ortiq mablag‘lari o‘zlashtirib olingan. Kiberjinoyatlarni fosh etishga qaratilgan tadbirlar jarayonida 25 dan ortiq jinoyatlar fosh etilib, 250.000.000 so‘mdan ortiq miqdoridagi pullari qaytarildi.

Yo‘llarda 4 ta tezlikni o‘lchaydigan radar, 5 ta qoida buzarliklarni aniqlaydigan foto va video qayt etish kameralari o‘rnatilgan. Mazkur yo‘llarda yo‘l harakati havfsizligini taʼminlash uchun 6 nafar yo‘l patrul inspektorlari xizmatlari jalb etilib kelinmoqda.

Joriy yilning 8 oy 20 kun davomida 27 ta yo‘l transport hodisalari sodir etilib, ularning 23 tasi tan jarohati bilan yakunlangan. 4 tasi O‘lim bilan tugagan yo‘l transport hodisalar. Yo‘l transport hodisalarini oldini olish maqsadida mutasaddi hamkor tashkilotlar bilan birgalikda yo‘l infratuzilmasini yaxshilash chora-tadbirlari ko‘rildi. Muntazam ravishda profilaktik tadbirlar olib borilmoqda. Lekin bugungi kunda haydovchilik va huquqiy madaniyatni yetarli deb bo‘lmaydi. Ayrim haydovchilar yo‘l harakati qoidalariga amal qilmasdan, mensimasdan transport vositalarini boshqarish, ayrim hollarda esa ota-onalarning o‘zlari voyaga yetmagan farzandlariga transport vositalarini boshqarishga imkon berayotganliklari og‘ir oqibatli yo‘l transport vositalarini keltirib chiqarmoqda. Eng achinarlisi ayrim fuqarolar moddiy manfaat evaziga voyaga yetmagan maktab o‘quvchilariga transport vositalarni boshqarish, ijaraga berish oqibatida mudhish hodisalar ham kelib chiqmoqda.

Tumanimizda ham bu kabi 18 ta xolatlarda 12 ta transport vositasini boshqarish, 3 ta skuter boshqarish orqali voyaga yetmaganlar tomonidan qoidabuzarliklar aniqlanib, tegishli tartibda ularning ota-onalariga choralar ko‘rilgan.

Yuqoridagi nohush holatlarni oldini olish borasida yo‘l harakati havfsizligi bo‘limi tizimi tomonidan profilaktik tadbirlar olib borilmoqda. Joriy yilning 8 oy 20 kun davomida 7 268 ta qoidabuzarliklar aiqlangan bo‘lib, ularning 5 548 tasi qo‘pol qoidabuzarliklarni tashkil etadi.

Aziz tumanimiz fuqarolari, yo‘l transport hodisalari bo‘yicha bir qancha jiddiy masalalarni aytib o‘tdim, albatta barchamiz haydovchilik hurmatini saqlagan holda qoidalarga itoat qilib harakatlansak xech qanday ko‘ngilsiz hodisalar sodir etilmasligiga o‘zimizni hissamizni qo‘shgan bo‘lamiz.

Bugungi kunda tumandagi maktablar, kasb-xunar, tenikumlar, kollejlar va litseylarda 39 678 dan ortiq o‘quvchilar taʼlim olmoqda. Voyaga yetmaganlarni barkamol inson bo‘lib tarbiyalash davlatimiz siyosatining eng muhim ustivor yo‘nalishlaridan biri hisoblanadi. Taʼlim muassasalari bilan hamkorlikda bir qator ishlar amalga oshirildi. Lekin olib borilayotgan ishlar samaradorligi yetarli darajada bo‘lmaganligi bois voyaga yetmaganlar tomonidan jinoyat sodir etilishiga yo‘l qo‘yib kelinmoqda.

Joriy yilning 8 oyi 20 kun davomida 7 nafar voyaga yetmaganlar tomonidan jinoyatlar sodir etilishiga yo‘l qo‘yildi. Aksariyat o‘quvchilar o‘zlari bilan birga tig‘li jismlarni olib yurishni odat qilib olganlar. O‘tkazilgan tadbirlar davomida o‘quvchilarda 23 dona o‘tkir tig‘li buyumlar olingan. O‘quvchilarni nazorat qilinmasligi oqibatida dars mashg‘ulotlariga qatnashmasligi holatlariga yo‘l qo‘yib kelinayotganligi davomat tadbirlarida maʼlum bo‘lmoqda. Taʼlim muassasalarida o‘quvchilar bilan maktab, mahalla-oila tamoyili asosida ishlash tizimi joriy etildi. O‘quvchilar o‘rtasida qonun buzulishlar va boshqa ko‘rinishdagi xulq og‘ishlariga qarshi immunitetni shakllantirish, psixologik ishlarni mexanizmlarini yo‘lga qo‘yish, ularda vatanga sadoqat hislarini shakillantirish, maktablarda doimiy ravishda davomatni tekshirish, o‘quvchilarni kasbga yo‘naltirish kabi vazifalar amalga oshirib kelinmoqda.

Aziz tumanimiz ahli, voyaga yetmagan farzandlarimizning maʼnaviy-maʼrifiy saviyasini oshirish, bilim olishlari uchun munosib sharoit yaratish, vatanparvarlik ruhida tarbiyalash, hamda bo‘sh vaqtlarini mazmunli tashkil etish masalalarini birgalikda amalga oshirib, manzilli ishlarni tashkil etsak oldimizga qo‘yilgan maqsadlarga erishamiz.

Tumanda yoshlar jinoyatchiligini oldini olish bo‘yicha hamkor tashkilotlar bilan birgalikda barcha chora-tadbirlar ishlab chiqilib, tegishli ishlar amalga oshirib kelinmoqda. So‘ngi yillarda xotin-qizlarning faolligini oshirish, gender tengligini taʼminlash, tazyiq va zo‘rvonliklarni oldini olish borasida keng ko‘lamli ishlarni amalga oshirmoqda.

Albatta xotin-qizlarni tazyiqlar va zo‘ravonliklardan himoya qilish borasida asosiy masʼuliyatni ichki ishlar organlari o‘z zimmasiga olgan. Bugungi kunda ayrim oilalarda hali ham maʼnaviy muhitni nosog‘lomligi tazyiq va zo‘ravonlik natijasida jinoyatlar sodir etilishiga olib kelmoqda. Shuni inobatga olib hamkor tashkilotlar bilan birgalikda nizoli oilalarni yana bir bor o‘rganib chiqib, ularning muommolarini manzilli hal etish choralarini ko‘rish lozim bo‘ladi. Bunda albatta mahalla masʼullari bilan birgalikda mahallalardagi nuroniy otaxon va onaxonlar, oila qadryati tushunchasi barcha yoshlarga singdirish borasida muhim rol o‘ynashlari kerak.

Hozirgi zamonda energiya resurslaridan oqilona foydalanish, hayot uchun muhim omillardan biri hisoblanadi. Energiya resurslarini ishlab chiqarish va undan samarali foydalanish muommosi global miqiyosda dolzarb masala bo‘lib ularni tejash lozim. Viloyatda energiya resurslarini talon-tarojini oldini olish borasida hamkor tashkilotlar bilan birgalikda qo‘shimcha reydlar va tushuntirish profilaktik tadbirlari amalga oshirib kelinmoqda.

Yo‘l xaritalari ijrosi yuzasidan yil boshidan mahallalarda 200 ta ko‘p qavatli va yakka tartibdagi xonadonlar texnik qo‘riqlovga olindi, 7 ta ko‘p qavatli uylarning kirish yo‘laklari “tashvish tugmalari”ni o‘rnatildi, 26 ta zamonaviy “domofon”lar o‘rnatildi, 150 ta videokauzatuv kameralari, 40 ta yuzni va avtoraqamlarni tanib oluvchi kameralar, 5 ta savdo markazlari va bozorlarga yuzni va avtoraqamni tanib oluvchi kameralar, 3 ta ko‘p qavatli uylarning hovlilariga PTZ-kameralari, 20 ta maktab va maktabgacha taʼlim muassasalari kirish chiqish-joylariga, 11 ta maktablarning ochiq sport maydonlariga kameralar o‘rnatilishi taʼminlandi.

Mahallalarda jinoyatchilikni barvaqt oldini olish maqsadida tumanimizda bugungi kunda profilaktika inspektorlari mahallalarni o‘zlarida qo‘riqlash xizmati xodimlari bilan birgalikda, fuqarolarimizning tinchlik va osoyishtaligini taʼminlab kelmoqda. Hurmatli viloyatimiz fuqarolari va shahrimiz mehmonlari  barchamiz jinoyat sodir etilgandan keyin emas, uni avvaldan barvaqt oldini olishga alohida eʼtibor qarataylik. Bugungi kunda viloyatimizni barcha  mahallalarida profilaktik inspektorlari bevosita mahalla eltini bilan birgalikda kun-u tun xizmat olib bormoqdalar. Viloyat hududida jinoyatchilikka qarshi kurashish, jinoyatlarni barvaqt oldini olish masalasini faqatgina davlat idoralarini vazifasi emas, balki butun jamiyatning vazifasi deb qarash lozim.

Eʼtiboringiz uchun raxmat!!!

Yangiqo‘rg‘on tumani IIB boshlig‘i R.Usubjonov