Yig‘ilish viloyat IIB boshlig‘i, Davlat xavfsizlik xizmati, Favqulodda vaziyatlar boshqarmasi, Milliy gvardiya hamda Davlat soliq boshqarmasi boshliqlari rahbarligida o‘tkazilib, unda O‘zbekiston Respublikasi davlat mustaqilligining o‘ttiz to‘rt yillik bayramiga va yangi o‘quv yili boshlanishi munosabati bilan o‘tkaziladigan "Bilimlar kuni" tadbirlariga tayyorgarlik ko‘rish, shuningdek, “Vatan uchun, millat uchun, xalq uchun!” degan bosh g‘oyani o‘zida mujassam etgan tashkiliy-amaliy, maʼnaviy-maʼrifiy tadbirlarni o‘tkazishda fuqarolar hamda jamoat xavfsizligini taʼminlash masalalari atroflicha muhokama qilindi.

Yig‘ilish davomida bayram tadbirlarini o‘tkazishda viloyat huquqni muhofaza qiluvchi organlar xodimlarining o‘zaro hamkorlikda xizmatni tashkil etishi, ommaviy tadbirlar o‘tkaziladigan joylarda xavfsizlik choralarini kuchaytirish va boshqa masalalar yuzasidan masʼul rahbarlarga aniq topshiriqlar berildi.

Namangan viloyati IIB Axborot xizmati