Tadbirda boshqarma rahbariyati, faxriylar hamda hududiy va sohaviy xizmatlar boshliqlari ishtirok etdi.

Davlat madhiyasi sadolari ostida boshlangan tantanada dastlab viloyat IIB boshlig‘i shaxsiy tarkibga Ichki ishlar vazirining bayram tabrigini o‘qib eshittirdi.

Tabrik nutqidan so‘ng, Vatanimiz tinchligi va el-yurt osoyishtaligini taʼminlash yo‘lidagi ko‘p yillik fidokorona xizmatlari, jinoyatchilikka qarshi kurashish va uni oldini olishdagi samarali mehnatlari, shuningdek, xizmat burchini bajarishda ko‘rsatgan mardlik va jasorati uchun Ichki ishlar vazirining buyrug‘iga asosan bir guruh xodimlar mukofotlandi.

Ular orasida “Aʼlo xizmatlari uchun” ko‘krak nishoni, “Ichki ishlar organlarida benuqson xizmatlari uchun” I, II va III darajali ko‘krak nishonlari, muddatidan oldin maxsus unvonlar, Ichki ishlar vazirining esdalik qo‘l soati, kitoblar to‘plami, pul mukofotlari, shuningdek, boshqarma boshlig‘ining esdalik qo‘l soati va tashakkurnomalari tantanali ravishda topshirildi.

Tadbir yakunida boshqarma boshlig‘i barcha shaxsiy tarkibni va mukofotlanganlarni yana bir bor tabriklab, ushbu eʼtiroflar xodimlarning kelgusi xizmatlarini yanada shijoat bilan davom ettirishlariga katta turtki bo‘lishini alohida taʼkidladi.

Bayram tadbirlari shahar va tumanlar miqyosida ham davom ettirilmoqda.

Namangan viloyati IIB Axborot xizmati