Namangan viloyati hokimligida videoselektor tarzida yig‘ilish o‘tkazilib, unda jinoyatchilikni jilovlash, kriminogen vaziyat barqarorligini taʼminlash va mahallalarda xavfsiz muhitni yaratish borasida joriy yilning 7 oyi davomida amalga oshirilgan chora-tadbirlar muhokama qilindi.

Yig‘ilishda Namangan viloyati IIB boshlig‘i hududlarda ichki ishlar organlari tomonidan amalga oshirilgan ishlar yuzasidan yig‘ilish ishtirokchilariga maʼlumot berdi.

Shuningdek, yig‘ilishda 2025-yil 18-avgust kuni qabul qilingan PQ-253-son Qarorining mazmun-mohiyati atroflicha ko‘rib chiqildi. Ushbu hujjat asosida mahallalarda xavfsiz muhit yaratish bo‘yicha tashkiliy-profilaktik tadbirlarning samaradorligini oshirish, ijtimoiy profilaktika tadbirlarini amalga oshiruvchi subyektlarning shaxsiy javobgarligini kuchaytirish, shuningdek, kriminogen vaziyati murakkab mahallalarda alohida yondashuv asosida manzilli ishlarni tashkil etish kabi ustuvor vazifalar belgilab olindi.

Namangan viloyati IIB Axborot xizmati