Mini traktor o‘g‘irlab ketildi
2021 yil 26 noyabr kuni, Chortoq tumanida yashovchi, 1975 yilda tug‘ilgan ayol ariza bilan murojaat qilib, shu kuni soat 11:00 dan soat 14:00 gacha bo‘lgan vaqt oralig‘ida yashash uyida hech kim yo‘qligidan foydalangan noma'lum shaxs, hovlisida bo‘lgan narxi 9.000.000 so‘mlik “AEROBS” nomli yer yumshatish mini traktorini o‘g‘irlab ketganligini ma'lum qilib, chora ko‘rishni so‘ragan. Chortoq tuman IIB JQB boshlig‘i va HPMB profilaktika inspektorlari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, birga yashovchi o‘g‘li, 1999 yilda tug‘ilgan fuqaro sodir etganligi aniqlangan.
Ushbu holat bo‘yicha Chortoq tuman IIB huzuridagi TB tomonidan 2021 yil 26 noyabr kuni O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
