6 Avgust 2021 yil
363
Ikki "Jiguli" to‘qnashuvida haydovchilardan biri vafot etdi
2021 yil 5 avgust kuni soat 16:30 larda, Kelajak tongi MFY Xasanobod ko‘chasida, Yangiqo‘rg‘on tumanida yashagan, 1963 yilda tug‘ilgan fuqaro VAZ-2106 rusumli avtomashinasini boshqarib borayotib, harakat xavfsizligini ta'minlay olmay, qarama-qarshi yo‘nalishga o‘tib ketib, qarshisidan harakatlanib kelayotgan, Namangan shahrida yashovchi, 2000 yilda tug‘ilgan fuqaro VAZ-21011 rusumli avtomashinasi bilan to‘qnashib ketgan.
Natijada, VAZ-2106 rusumli avtomashina haydovchisi tan jarohati olib, shifoxonada vafot etgan.
Ushbu holat bo‘yicha Yangi Namangan tumani IIB huzuridagi TB tomonidan 2021 yil 5 avgust kuni O‘z.R JKning 266-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
