Tanlov tadbirlari O‘zbekiston Respublikasining «Ichki ishlar organlari to‘g‘risida»gi Qonuni va O‘zbekiston Respublikasi Prezidentining 2021-yil 15-apreldagi PQ-5076-son qaroriga muvofiq tasdiqlangan “Ichki ishlar vazirligi Malaka oshirish institutining kasbiy tayyorgarlik fakultetiga qabul qilish tartibi to‘g‘risidagi Nizom” talablari asosida o‘tkaziladi.

Nomzodlarga qo‘yilgan talablar:

- O‘zbekiston Respublikasi fuqarosi bo‘lishi;

- Yashash manzili bo‘yicha Namangan viloyatida doimiy ro‘yxatda turishi;

- Yoshi 18 yoshdan kichik, 30 yoshdan katta bo‘lmagan bo‘lishi;

- Erkaklar uchun bo‘yi 165 santimetrdan, ayollar uchun 160 santimetrdan past bo‘lmasligi (bo‘y parametrlari ayrim mutaxassisliklar uchun alohida belgilangan);

- Muddatli yoki safarbarlik chaqiruv rezervidagi harbiy xizmatni o‘tagan bo‘lishi (erkaklar uchun);

- Oliy ma‘lumotga ega bo‘lgan fuqarolar hamda ichki ishlar organlarining xodimlari va harbiy xizmatchilari qabul qilinadi.

Malaka oshirish institutining kasbiy tayyorgarlik fakultetida 2025-yilda Namangan viloyati ichki ishlar organlari uchun quyidagi mutaxassisliklar tayyorlanadi:

- Yo‘l-patrul faoliyati (bo‘yi 175sm / 170sm);

- Jamoat tartibini saqlash faoliyati (bo‘yi 170sm / 165sm);

- Pasport tizimini ta‘minlash faoliyati (bo‘yi 165sm / 160sm);

Kasbiy tayyorgarlik fakultetiga kirish istagida bo‘lgan fuqarolar quyidagi hujjatlari bilan doimiy ro‘yxatda turadigan manzillaridagi ichki ishlar bo‘limlariga murojaat qilishlari so‘raladi:

- biometrik pasport yoki identifikatsiya ID-kartasi doimiy yashash manzili bilan;

- harbiy guvohnoma;

- oliy ma‘lumotni tasdiqlovchi diplom;

- qarindoshlarning (ota-ona, er-xotin, farzandlar, aka-uka, opa-singil, shuningdek turmush o‘rtog‘ining ota-ona, aka-uka, opa-singil) biometrik pasporti yoki identifikatsiya ID-kartasi;

- o‘qish va ish (agar o‘qiyotgan yoki ishlayotgan bo‘lsa) joyidan tavsifnoma;

- fuqaro tomonidan qo‘lda yoki kompyuterda yozilgan tarjimai hol;

- anketa-ma‘lumotnoma;

- belgilangan namunadagi sog‘lig‘ining holati haqida ma‘lumotnoma (bo‘yining balandligi bo‘yicha antropometrik parametri ko‘rsatilgan holda).

O‘qish arizalar 2025-yilning 16-yanvar kuniga qadar qabul qilinadi

Namangan viloyati IIB MMI va KBTX