Avtomashina gaz ballon o‘g‘rilari qo‘liga tushdi
2021 yil 29 noyabr' kuni, Chust tumanida yashovchi, 1988 yilda tug‘ilgan fuqaro ariza bilan murojaat qilib, shu kunga o‘tar kechasi noma'lum shaxs, yashash uyi oldida bo‘lgan Moskvich rusumli avtomashinasi orqa yukxonasida bo‘lgan narxi 6.000.000 so‘mlik temir gaz ballonini o‘g‘irlab ketganligini ma'lum qilib, chora ko‘rishni so‘ragan.
Chust tuman IIB HPMB profilaktika inspektorlari va JQB tezkor vakillari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Chust tumanida yashovchi, 1992 yilda tug‘ilgan va Chust tumanida yashovchi, 1998 yilda tug‘ilgan fuqarolar sodir etganligi aniqlangan.
Ushbu holat bo‘yicha Chust tuman IIB huzuridagi TB tomonidan 2021 yil 29 noyabr' kuni O‘z.R JKning 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
