35.000.000 so‘mlik tilla taqinchoqlarni o‘g‘irlagan ayollar qo‘lga olindi
2021 yil 28 sentyabr' kuni, Yangiqo‘rg‘on tumanida yashovchi, 1967 yilda tug‘ilgan fuqaro ariza bilan murojaat qilib, shu yil 28 sentyabr' kuni soat 10:00 larda yashash uyida hech kim yo‘qligidan foydalangan noma'lum shaxs, hovlisiga ochiq qolgan darvozaxonasi orqali kirib, yotoqxonasida bo‘lgan umumiy narxi 35.000.000 so‘mlik tilla-taqinchoqlarini o‘g‘irlab ketganligini ma'lum kilib, chora ko‘rishni so‘ragan.
Yangiqo‘rg‘on tuman IIB JQB tezkor vakili va TB tergovchilari tomonidan olib borilgan tezkor-qidiruv va surishtiruv harakatlari natijasida, ushbu jinoyatni, Namangan shahrida yashovchi, 1987, 1989, 1987 hamda 2007 yilda tug‘ilgan ayollar sodir etganliklari aniqlangan.
Ushbu holat bo‘yicha Yangiqo‘rg‘on tuman IIB huzuridagi TB tomonidan 2021 yil 29 sentyabr' kuni O‘z.R JKNing 169-moddasi 2-qismi bilan jinoyat ishi qo‘zg‘atilgan.
Namangan viloyati IIB Axborot xizmati
