Телефон ғилофи ичидан “Гашиш” топилди.
Жорий йил 22 февраль куни, Наманган вилояти ҳудудида Ўзбекистон Республикаси Бош прокуратураси ва ИИВнинг 2021 йил 20 февралдаги қўшма фармойишига асосан ўтказилаётган “Зарбдор ойлиги” ва “Антитеррор-Тозалаш” тадбирлари давомида, Наманган шаҳар ИИО ФМБ ЖҚБ тезкор вакиллари томонидан, Наманган шаҳар Давлатобод туманида яшовчи, 1986 йилда туғилган фуқаро Наманган шаҳар кўчасида шубҳали ҳаракатлар содир этганлиги учун ёни холислар иштирокида кўздан кечирилганида, эгнидаги шимининг орқа чап чўнтагидан 1000 сўмлик купюрага ўралган, ўткир ҳидли, тўқ жигарранг рангли модда ва қўлидаги “Самсунг” русумли телефон аппаратининг ғилофи ичида бир бўлак, ўткир ҳидли, тўқ жигарранг рангли модда борлиги аниқланиб, текшириб кўриш учун олинган.
Наманган шаҳар ИИО ФМБ ЭКБнинг хулосасига кўра, ушбу моддаларнинг умумий соф оғирлиги 0,20 грамм бўлган “Гашиш” гиёҳвандлик моддаси эканлиги кўрсатилган.
Ушбу ҳолат бўйича Наманган шаҳар ИИО ФМБ ҳузуридаги ТБ томонидан Ўз.Р ЖКнинг 276-моддаси 1-қисми билан жиноят иши қўзғатилган.
Наманган вилояти ИИБ Ахборот хизмати
