25 Ноябр 2021 йил
559
Тан жароҳати олган велосипедчи вафот этди
2021 йил 22 ноябрь куни соат 21:30 ларда, Учқўрғон-Хаққулобод йўлининг 5 км.да, Учқўрғон тумани Мустақиллик МФЙ ҳудудида, Учқўрғон туманида яшовчи, 1970 йилда туғилган фуқаро Ласетти русумли автомашинани ишонч қоғози билан бошқариб бораётиб, ҳаракат хавфсизлигини таъминлай олмай, йўлни кесиб ўтаётган велосипедчи, Учқўрғон туманида яшаган, 1964 йилда туғилган фуқарони уриб юборган.
Натижада, велосипедчи олган оғир тан жароҳати оқибатида воқеа жойида вафот этган.
Ушбу ҳолат бўйича Учқўрғон туман ИИБ ҳузуридаги ТБ томонидан 2021 йил 22 ноябрь куни Ўз.Р ЖКнинг 266-моддаси 2-қисми билан жиноят иши қўзғатилган.
Наманган вилояти ИИБ Ахборот хизмати
